ചെറുതേനീച്ചകളെ പ്രകൃതിദത്ത കൂടുകളില്നിന്നു ശേഖരിച്ച് മനുഷ്യനിര്മിതമായ കൂടുകളിലാക്കി മെരുക്കി വാണിജ്യാടിസ്ഥാനത്തില് ശാസ്ത്രീയമായി വളര്ത്തുന്നതിനുള്ള സാങ്കേതികവിദ്യ, വിവിധതരം കൂടുകള്, അനായാസം വിഭജനം നടത്താനുള്ള വിദ്യകള്, തേന് ശുദ്ധമായി ശേഖരിക്കാനുള്ള രീതി എന്നിവയൊക്കെ വികസിപ്പിച്ചെടുത്തിട്ടുണ്ട്. ചെറുതേനിന്റെ വര്ധിച്ച ഔഷധഗുണം മൂലം വിവിധ രോഗങ്ങള്ക്ക് ആയുര്വേദ മരുന്നുകളില് ചാലിച്ചു കഴിക്കാന് ചെറുതേന് ആവശ്യമായി വന്നതോടെ ഇതിന്റെ ഉപയോഗം നാള്ക്കുനാള് വര്ധിക്കാന് തുടങ്ങി. ആയുരാരോഗ്യത്തിന് ചെറുതേനിനു പ്രാധാന്യമുള്ളതിനാല് ഓരോ വീട്ടിലും ഒരു പെട്ടിയെങ്കിലും ഉള്ളത് നല്ലതാണ്.
