1. എന്തുകൊണ്ട് കൃത്രിമ പ്രജനനം
പ്രജനനത്തിനു തയാറാകാത്ത മത്സ്യങ്ങളെ ഹോര്‍മോണ്‍ നല്കി അണ്ഡം വളര്‍ച്ചയിലെത്തിക്കുന്നു. ഹോര്‍മോണിന്റെ പ്രവര്‍ത്തനംകൊണ്ട് മുട്ടയിടാനുള്ള ത്വര മത്സ്യങ്ങളില്‍ ഉണ്ടാക്കിയെടുക്കുകയാണ് ചെയ്യുന്നത്.
2. കൃത്രിമ പ്രജനനത്തിന്റെ ആവശ്യകത
കൂടാതെ, നേരത്തെ പറഞ്ഞതുപോലെ ആവശ്യസമയത്ത് കുഞ്ഞുങ്ങളുടെ ലഭ്യത ഉറപ്പാക്കുകയാണ് കൃത്രിമ പ്രജനനത്തിലൂടെ ചെയ്യുന്നത്. നിയന്ത്രിത സാഹചര്യത്തില്‍ വളര്‍ത്തുന്നതില്‍ പ്രകൃതിയില്‍ വിരിയുന്ന കുഞ്ഞുങ്ങളേക്കാള്‍ കൂടുതല്‍ കുഞ്ഞുങ്ങളെ രക്ഷപ്പെടുത്തി എടുക്കാനും കഴിയും.
3. പ്രത്യേക ശ്രദ്ധയും കരുതലും വേണം
ആരോഗ്യമുള്ള മത്സ്യങ്ങളെയായിരിക്കണം പ്രജനനത്തിനായി തെരഞ്ഞെടുക്കേണ്ടത്. പ്രായപൂര്‍ത്തിയായ ഇടത്തരം മത്സ്യങ്ങളാണെങ്കില്‍ കൈകാര്യം ചെയ്യുന്നതില്‍ എളുപ്പമുണ്ട്. മത്സ്യങ്ങളുടെ വലുപ്പം അനുസരിച്ച് ഹോര്‍മോണ്‍ കുത്തിയവയ്ക്കണം.4. ഹോര്‍മോണ്‍ എന്നാല്‍
ആണ്, പെണ്‍ മത്സ്യങ്ങളുടെ പിറ്റിയൂറ്ററി ഗ്രന്ഥിയില്‍നിന്നുത്പാദിപ്പിക്കുന്ന ഗോണാഡോട്രോപിന്‍ എന്ന ഹോര്‍മോണ്‍ ആണ് പ്രജനനത്തിനായി മത്സ്യങ്ങളെ പ്രേരിപ്പിക്കുന്നത്. പ്രായപൂര്‍ത്തിയായ മത്സ്യങ്ങളില്‍ ഇത് കുത്തിവയ്ക്കപ്പെടുമ്പോള്‍ ശരീരം ഉത്തേജിക്കപ്പെട്ട് പ്രജനനത്തിനു തയാറാവുകയാണ് ചെയ്യുന്നത്. ഇത് കൂടാതെ ഓവാപ്രിം പോലുള്ള ഹോര്‍മോണുകളും വിപണിയില്‍നിന്ന് ലഭ്യമാണ്.5. കൃത്രിമ പ്രജനനത്തിനുമുണ്ട് ചരിത്രം
ഇന്ത്യയിലേക്കു വരികയാണെങ്കില്‍ മൃഗാലില്‍ പരീക്ഷണം നടത്തി 1937ല്‍ ഹമീദ് ഖാന്‍ കൃത്രിമ പ്രജനനം അവതരിപ്പിച്ചു. പിന്നീട് 1955ല്‍ മൈനര്‍ കാര്‍പ്പ് വിഭാഗത്തില്‍പ്പെട്ട പരല്‍മത്സ്യങ്ങളില്‍ ഈ രീതി ഡോ. ഹിരാലാല്‍ ചൗധരി പരീക്ഷിച്ചു. 1955-16 കാലഘട്ടത്തില്‍ത്തന്നെ രാമസ്വാമി, സുന്ദരരാജ് എന്നിവര്‍ ചേര്‍ന്ന് ഇന്ത്യന്‍ പൂച്ചമത്സ്യങ്ങളില്‍ കൃത്രിമ പ്രജനനത്തിനുള്ള സാധ്യത തെളിയിച്ചു. 1957ല്‍ രോഹുവിലും 1962ല്‍ ഗ്രാസ്, സില്‍വര്‍ കാര്‍പ്പുകളിലും കൃത്രിമ പ്രജനനം പരീക്ഷിക്കപ്പെട്ടു.
No comments:
Post a Comment