വെട്ടിത്തിളങ്ങുന്ന പട്ടു വസ്ത്രം എന്നും എപ്പോഴും എല്ലാവര്ക്കും പ്രിയപ്പെട്ടതാണ്. വസ്ത്രങ്ങള് നെയ്യുന്ന നെയ്ത്തുകാരെ പലപ്പോഴും നാം ഓര്ക്കാറുണ്ട്. പക്ഷേ, മനോഹരമായ പട്ട് നിര്മിക്കാനായി നാം കൊന്നൊടുക്കുന്ന ഒരു ജീവിവര്ഗംമുണ്ട്. അങ്ങനൊരു കൂട്ടരെക്കുറിച്ച് അറിയാവുന്നവര് ചുരുക്കമാവും. പട്ടിന്റെ വക്താക്കളായ പുഴുക്കളെയും അവ ഉത്പാദിപ്പിക്കുന്ന നൂലിനെയും പരിചയപ്പെടാം.
Thursday 17 December 2015
Wednesday 16 December 2015
മണ്ണിര; ഭൂമിയുടെ കലപ്പ
ഭൂമിയുടെ കലപ്പയാണ് മണ്ണിര. പ്രകൃതി അവയ്ക്കു അറിഞ്ഞു നല്കിയ സ്വഭാവവും പേരുപോലെതന്ന അന്വര്ഥം. മണ്ണിനെ ഉഴുതുമറിച്ച് വായുവിന്റെ അളവ് മണ്ണില് വര്ധിപ്പിക്കുക എന്നതാണ് അവ കര്ഷകനുവേണ്ടി ചെയ്യുന്ന പ്രധാന സഹായം. ഇതിനോടൊപ്പം മണ്ണിലെ ജൈവമാലിന്യങ്ങളെ ചെടികള്ക്ക് ഉപകാരപ്രദമായരീതിയില്മ മാറ്റാനും അവയ്ക്കു കഴിയുന്നു. ഭൂമിയുടെ കുടല് എന്നാണ് അരിസ്റ്റോട്ടില് മണ്ണിരയെ വിശേഷിപ്പിച്ചത്. ജൈവവസ്തുക്കളെ വളമാക്കി മാറ്റാനുള്ള മണ്ണിരയുടെ കഴിവിനെ ഉപകാരപ്പെടുത്തി കൃത്രിമ സാഹചര്യത്തില് തയാറാക്കിയെടുക്കുന്ന പ്രക്രിയയ്ക്കാണ് വെര്മി കള്ച്ചര് എന്നു പറയുന്നത്. ഇങ്ങനെ തയാറാക്കി എടുക്കുന്ന വളത്തിനെ വെര്മി കമ്പോസ്റ്റ് എന്നും വിളിക്കുന്നു.
Tuesday 15 December 2015
കണ്ണഞ്ചിപ്പിക്കുന്ന മത്സ്യപ്രപഞ്ചം
പ്രകൃതി അറിഞ്ഞു നല്കിയിരിക്കുന്ന മായിക സൗന്ദര്യമാണ് വര്ണമത്സ്യങ്ങളുടേത്. നദികളിലും പിന്നീട് മനുഷ്യന് ശ്രദ്ധിക്കാന് തുടങ്ങിയതുമുതല് പളുങ്കു പാത്രങ്ങളിലും വിഹരിക്കുന്ന നിറലാവണ്യം. സ്ഫടികപ്പാത്രത്തിന്റെ നാലതിരുകളില് ഒതുങ്ങിത്തീരാത്ത ഈ ചലന ചാരുത ജൈവലോകത്തിന്റെ മാസ്മരികതയാണ്. കേവലം 10 മി.മി. വലിപ്പമുള്ള ട്രാന്സ്പെരന്റ് ഡാനിയോ മുതല് ഭീമാകാരന്മാരായ സ്രാവുകളും തിമിംഗലങ്ങളും വരെ ഇന്ന് അക്വേറിയങ്ങളുടെ അഴകാണ്.
Monday 14 December 2015
മത്സ്യങ്ങളെ കുളങ്ങളില് നിക്ഷേപിക്കുമ്പോള്
ഫിഷറീസ് വകുപ്പ് പഞ്ചായത്തുകള് വഴി വിതരണം ചെയ്യുന്ന മത്സ്യക്കുഞ്ഞുങ്ങള് വാങ്ങുന്നവരുടെ പ്രധാന പരാതിയാണ് അവ പെട്ടെന്നു ചത്തുപോകുന്നു, വളരുന്നില്ല എന്നിങ്ങനെ. കൃത്യമായ അവബോധവും ബോധവത്കരണവും നല്കാതെ കര്ഷകര്ക്ക് മത്സ്യക്കുഞ്ഞുങ്ങളെ വിതരണം ചെയ്യുന്നതാണ് ഈ പരാതികള്ക്കു പ്രധാന കാരണം.
ഇന്ത്യന് മേജര് കാര്പ്പുകളായ കട്ല, രോഹു, മൃഗാല് തുടങ്ങിയ മത്സ്യങ്ങളാണ് ഇത്തരത്തില് ഫിഷറീസ് വകുപ്പ് വിതരണം ചെയ്യുന്നത്. അശാസ്ത്രീയമായ പരിചരണമാണ് പലപ്പോഴും ഇത്തരം മത്സ്യങ്ങളുടെ വളര്ച്ചയെ ബാധിക്കുന്നത്. മാത്രമല്ല കേരളത്തിനു പുറത്തുള്ള ഹാച്ചറികളില്നിന്ന് കരാറടിസ്ഥാനത്തില് ഇവിടെയെത്തുന്ന മത്സ്യക്കുഞ്ഞുങ്ങളുടെ വില അഡ്ജസ്റ്റ് ചെയ്യാനായി മറ്റ് നാടന് മത്സ്യങ്ങളെയും കൂടെ ചേര്ക്കുന്നതും ശ്രദ്ധയില്പ്പെട്ടിട്ടുണ്ട്. ഇതും കര്ഷകരുടെ നഷ്ടത്തിനു കാരണമാകുന്നുണ്ട്.
ഇന്ത്യന് മേജര് കാര്പ്പുകളായ കട്ല, രോഹു, മൃഗാല് തുടങ്ങിയ മത്സ്യങ്ങളാണ് ഇത്തരത്തില് ഫിഷറീസ് വകുപ്പ് വിതരണം ചെയ്യുന്നത്. അശാസ്ത്രീയമായ പരിചരണമാണ് പലപ്പോഴും ഇത്തരം മത്സ്യങ്ങളുടെ വളര്ച്ചയെ ബാധിക്കുന്നത്. മാത്രമല്ല കേരളത്തിനു പുറത്തുള്ള ഹാച്ചറികളില്നിന്ന് കരാറടിസ്ഥാനത്തില് ഇവിടെയെത്തുന്ന മത്സ്യക്കുഞ്ഞുങ്ങളുടെ വില അഡ്ജസ്റ്റ് ചെയ്യാനായി മറ്റ് നാടന് മത്സ്യങ്ങളെയും കൂടെ ചേര്ക്കുന്നതും ശ്രദ്ധയില്പ്പെട്ടിട്ടുണ്ട്. ഇതും കര്ഷകരുടെ നഷ്ടത്തിനു കാരണമാകുന്നുണ്ട്.
Thursday 10 December 2015
ജയന്റ് ഗൗരാമി കുഞ്ഞുങ്ങള്
ജയന്റ് ഗൗരാമികളുടെ മുട്ട വിരിയാന് 24 മണിക്കൂര് മതിയെന്ന കാര്യം ഞാന് നേരത്തെ പറഞ്ഞിരുന്നല്ലോ. മുട്ടവിരിഞ്ഞിറങ്ങുന്ന കുഞ്ഞുങ്ങള് 18-25 ദിവസം വരെ കൂടിനുള്ളിലായിരിക്കും. 20-ാം ദിവസം കൂടിനു വെളിയിലിറങ്ങിയ കുഞ്ഞുങ്ങളെ ചിത്രങ്ങളിലും വീഡിയോയിലും കാണാം. സന്ധ്യാസമയത്ത് കുളത്തിന്റെ വശങ്ങള് ശ്രദ്ധിച്ചാല് കുഞ്ഞുങ്ങളെ കാണാം...
Wednesday 2 December 2015
ശ്വാനവീരന്മാര്ക്കൊരു സ്കൂള്
നായ്ക്കളോടുള്ള താല്പര്യംമൂലം നായ വളര്ത്തലിലേക്കും അവയ്ക്കുള്ള പരിശീലനത്തിലേക്കും തിരിഞ്ഞ വ്യക്തിയാണ് പാലാ മേവടയിലുള്ള പൂത്തോട്ടത്തില് സാജന് സജി സിറിയക്. സ്കൂളില് പഠിച്ചിരുന്ന കാലത്തു തുടങ്ങിയ നായ്ക്കളോടുള്ള സ്നേഹം ഇന്ന് മികച്ച വരുമാന മാര്ഗമായി മാറ്റാന് സാജനു കഴിഞ്ഞു. സാജന് കെന്നല്സ് എന്ന സ്വന്തം സ്ഥാപനത്തില് നായ്ക്കള്ക്കു പ്രത്യേക പരിശീലനം നല്കാനായി സാജന് ഡോഗ് ട്രയിനിംഗ് സ്കൂള് എന്ന നായപരിശീലനകേന്ദ്രവും തുടങ്ങി. ഒപ്പം ലാബ്രഡോര്, ജെര്മന് ഷെപ്പേര്ഡ്, റോട്ട് വീലര്, ഡോബര്മാന്, ഡാഷ്ഹണ്ട്, പഗ്, ബുള്മാസ്റ്റിഫ്, ബോക്സര് തുടങ്ങിയ ഇനങ്ങളുടെ ശുദ്ധ ജനുസില്പ്പെട്ട കുഞ്ഞുങ്ങളെ ആവശ്യക്കാര്ക്കു നല്കുവാനും ഇദ്ദേഹം ശ്രദ്ധിക്കുന്നു.
പാലാക്കാട് ആര്പിഎസിന്റെ തേനീച്ചത്തോട്ടം
റബര്കര്ഷകര് റബറിന്റെ വിലയിടിവുമൂലം ബുദ്ധിമുട്ടുന്ന സാഹചര്യത്തിലാണ് പാലായ്ക്കടുത്തുള്ള പാലാക്കാട് റബര് ഉത്പാദക സംഘത്തിന്റെ പ്രസിഡന്റ് വെട്ടിക്കുഴക്കുന്നേല് വി.യു. ജോസഫിന്റെ മകന് ലിജു ജോസും സുഹൃത്ത് പൂവത്താനിക്കുന്നേല് ബിജു ജോസഫും പുതിയോരു സംരംഭവുമായി മുന്നിട്ടിറങ്ങിയത്. സാമൂഹ്യപ്രാധാന്യമുള്ള നിരവധി പ്രവര്ത്തനങ്ങള് പാലാക്കാട് ആര്പിഎസിന്റെ കീഴില് നടന്നിരുന്നു. അത്തരത്തില് റബര് കര്ഷകര്ക്കൊരു പ്രചോദനമായാണ് റബറിനൊപ്പം തേനീച്ചവളര്ത്തല്, കര്ഷകര്ക്കു തേനീച്ചവളര്ത്തലില് പരീശീലനം എന്നീ ആശയങ്ങള് ബിജു മുന്നോട്ടുവച്ചത്.
Saturday 28 November 2015
കുഞ്ഞുങ്ങളുടെ കൃത്രിമ പരിചരണം
ജയന്റ് ഗൗരാമി
കുഞ്ഞുങ്ങളുടെ കൃത്രിമ പരിചരണം
കൃത്രിമ പ്രജനന സംവിധാനങ്ങള് വഴി പ്രജനനം നടത്താന് കഴിയാത്ത മത്സ്യമാണ് ജയന്റ് ഗൗരാമി. കൃത്യമായ ഇടവേളകളില് (സീസണനുസരിച്ച്) മുട്ടയിടുന്ന മത്സ്യങ്ങളായ ഇവയെ ഹോര്മോണ് കുത്തിവയ്ക്കേണ്ട ആവശ്യമില്ല. ഔട്ട്ഡോര് കുളങ്ങളില് മാത്രം പ്രജനനം നടക്കുന്ന മത്സ്യമായതിനാല് ഉണ്ടാകുന്ന കുഞ്ഞുങ്ങളുടെ അതിജീവനനിരക്ക് കുറവായിരിക്കും.
Friday 27 November 2015
ജയന്റ് ഗൗരാമികള്ക്ക് പ്രജനനത്തിനായി കൂടുകള് നിര്മിക്കാനുള്ള മാര്ഗങ്ങള്
കൈയില് കിട്ടുന്നതെന്തും പ്രജനനക്കൂടുകള് നിര്മിക്കാന് ഉപയോഗിക്കുന്നവരാണ് ജയന്റ് ഗൗരാമികള്. പ്രകൃതിദത്ത കുളങ്ങളിലും സിമന്റ് ടാങ്കുകളിലും സീല്പോളിന് ടാങ്കുകളിലും പാറമടകളിലും ഇവ അനായാസം വളരും. സീല്പോളിന് കുളത്തിലെ വെള്ളത്തിനു തണുപ്പു കൂടുതലുള്ളതിനാല് കുഞ്ഞുങ്ങളുടെ അതിജീവനനിരക്ക് പാറമടകളെ അപേക്ഷിച്ച് കുറവായിരിക്കും. അതിനെക്കുറിച്ച് പിന്നീട് പറയാം.
ജയന്റ് ഗൗരാമികളുടെ പ്രത്യേക ശ്വസനാവയവം
ലോകത്താകെ ഏകദേശം 370 സ്പീഷിസുകളിലുള്ള മത്സ്യങ്ങള്ക്ക് അന്തരീക്ഷത്തില്നിന്നു ശ്വസിക്കാനുള്ള കഴിവുണ്ട്. ഇത്തരം മീനുകളില്ത്തന്നെ രണ്ടു വിഭാഗമുണ്ട്. ജലത്തിലെ ഓക്സിജന്റെ അംശം കുറയുമ്പോള് അന്തരീക്ഷത്തില്നിന്നു ശ്വസിക്കുന്നവരും (facultative) ജലത്തിലെ ഓക്സിജന് എടുക്കാന് കഴിയാതെ അന്തരീക്ഷത്തില്നിന്ന് എടുക്കുന്നവരും (Obligate). ഈ രണ്ടാമത്തെ വിഭാഗത്തില്പ്പെടുന്നവയാണ് ജയന്റ് ഗൗരാമികള്. ഇവരുടെ ചെകിളകള്ക്ക് വെള്ളത്തിലെ ഓക്സിജനെ ആഗിരണം ചെയ്യാനുള്ള കഴിവ് കുറവായിരിക്കും.
Tuesday 24 November 2015
ജയന്റ് ഗൗരാമിയും മുട്ടയും
കൂടു നിര്മിച്ച് മുട്ടയിടുന്ന മത്സ്യമാണ് ഗൗരാമിയെന്ന് എല്ലാവര്ക്കും അറിയാമല്ലോ. വര്ഷത്തില് മെയ്-ജൂലൈ, നവംബര്-ജനുവരി എന്നിങ്ങനെയാണ് ഗൗരാമികളുടെ പ്രജനനകാലം. 3.5-4 വയസ് പ്രായമാകുമ്പോഴാണ് ജയന്റ് ഗൗരാമികള് പ്രായപൂര്ത്തിയാകുക.
ആണ്മത്സ്യം കൂട് നിര്മിച്ചു തുടങ്ങിയതിനു മൂന്നാം ദിവസം മുട്ടയിടും. പലപ്പോഴും മുട്ടകള് കൂടിനു വെളിയില് പോവാറുണ്ട്. കുളത്തിലെ വെള്ളം ശക്തിയായി ഇളകുമ്പോഴോ മഴയുള്ളപ്പോഴോ കൂടുകളിള് ആദ്യമായി മുട്ടയിടുന്നതിന്റെ പരിചയക്കുറവോ ഇതിനു കാരണമാകാം. ബീജസങ്കലനം നടന്ന മുട്ടകളും ബീജസങ്കലനം നടക്കാത്ത മുട്ടകളും (ബീജസങ്കലനം നടന്നാലും ജീവന് ലഭിക്കാത്ത മുട്ടകളുമാകാം) പെട്ടെന്നുതന്നെ തിരിച്ചറിയാവുന്നതേയുള്ള. ജീവന് ഉള്ക്കൊള്ളുന്ന മുട്ടകള് വളരെ നേര്ത്ത മഞ്ഞ നിറമായിരിക്കും. ജീവനില്ലാത്തവ ബ്രൈറ്റ് മഞ്ഞ നിറത്തിലും കാണാം. (മുകളിലത്തെ ചിത്രത്തില് പച്ച വൃത്തത്തിനുള്ളിലുള്ളത് നല്ല മുട്ടകളും ചുവപ്പു വൃത്തത്തിനുള്ളിലുള്ളത് ചീത്ത മുട്ടകളുമാണ്). നല്ല മുട്ടകള് കുളത്തില്നിന്നു ശേഖരിച്ച് അക്വേറിയങ്ങളില് വാതായനം (Aeration) നടത്തി സൂക്ഷിച്ചാല് രക്ഷപ്പെടുത്തി എടുക്കാന് കഴിയും.
ആണ്മത്സ്യം കൂട് നിര്മിച്ചു തുടങ്ങിയതിനു മൂന്നാം ദിവസം മുട്ടയിടും. പലപ്പോഴും മുട്ടകള് കൂടിനു വെളിയില് പോവാറുണ്ട്. കുളത്തിലെ വെള്ളം ശക്തിയായി ഇളകുമ്പോഴോ മഴയുള്ളപ്പോഴോ കൂടുകളിള് ആദ്യമായി മുട്ടയിടുന്നതിന്റെ പരിചയക്കുറവോ ഇതിനു കാരണമാകാം. ബീജസങ്കലനം നടന്ന മുട്ടകളും ബീജസങ്കലനം നടക്കാത്ത മുട്ടകളും (ബീജസങ്കലനം നടന്നാലും ജീവന് ലഭിക്കാത്ത മുട്ടകളുമാകാം) പെട്ടെന്നുതന്നെ തിരിച്ചറിയാവുന്നതേയുള്ള. ജീവന് ഉള്ക്കൊള്ളുന്ന മുട്ടകള് വളരെ നേര്ത്ത മഞ്ഞ നിറമായിരിക്കും. ജീവനില്ലാത്തവ ബ്രൈറ്റ് മഞ്ഞ നിറത്തിലും കാണാം. (മുകളിലത്തെ ചിത്രത്തില് പച്ച വൃത്തത്തിനുള്ളിലുള്ളത് നല്ല മുട്ടകളും ചുവപ്പു വൃത്തത്തിനുള്ളിലുള്ളത് ചീത്ത മുട്ടകളുമാണ്). നല്ല മുട്ടകള് കുളത്തില്നിന്നു ശേഖരിച്ച് അക്വേറിയങ്ങളില് വാതായനം (Aeration) നടത്തി സൂക്ഷിച്ചാല് രക്ഷപ്പെടുത്തി എടുക്കാന് കഴിയും.
Sunday 22 November 2015
giant gourami nest making frame
ജയന്റ് ഗൗരാമിക്ക് ബ്രീഡിംഗിനായി ഫ്രെയിം സെറ്റ് ചെയ്തു നല്കുന്നതിനെക്കുറിച്ച് ഞാന് പലപ്പോഴും പറഞ്ഞിട്ടുണ്ട്. പ്രിയ സുഹൃത്തുക്കള്ക്കായി ഒരു ചെറു വീഡിയോയും സമര്പ്പിക്കുന്നു.
https://www.youtube.com/watch?v=t952DCQLIp0
https://www.youtube.com/watch?v=t952DCQLIp0
ജയന്റ് ഗൗരാമിയും കൃത്രിമ തീറ്റയും
ചുരുങ്ങിയ സമയംകൊണ്ട് പരമാവധി വളര്ച്ച കൈവരിക്കുക. അതാണ് മത്സ്യങ്ങള്ക്ക് കൃത്രിമ തീറ്റകള് (പെല്ലറ്റ് ഫുഡ്സ്) നല്കുന്നതിലൂടെ ലഭിക്കുക. എന്നാല് മൃദു ഇലകള് കഴിക്കുന്ന പ്രത്യേകിച്ച് എലഫന്റ് ഇയര് ചെടിയുടെ ഇല കഴിക്കുന്ന (നമ്മുടെ നാട്ടിലെ ചേമ്പ്) ഗൗരാമികള്ക്ക് കൈത്തീറ്റ നല്കിയതുകൊണ്ട് വല്യ പ്രയോജനമൊന്നുമില്ല.
ആദ്യത്തെ രണ്ടു വര്ഷം വളര്ച്ച കുറവാണ് ജയന്റ് ഗൗരാമികള്ക്ക്. പിന്നീടങ്ങോട്ട് വളര്ച്ച വേഗത്തിലുമായിരിക്കും. എന്നാല് ഈ വളര്ച്ച നേടാന് ഗൗരാമികള്ക്ക് വെറും സസ്യങ്ങള് മാത്രം മതി. മാത്രമല്ല കൈത്തീറ്റ നല്കി വളര്ത്തുന്ന തിലാപ്പിയയുടെ വളര്ച്ചയുടെ പകുതിപോലും കൈത്തീറ്റ നല്കിയാലും ഗൗരാമികള്ക്ക് ലഭിക്കില്ല.
ഇനി മറ്റൊരു കാര്യം. രുചിയുടെ കാര്യത്തില് പേരുകേട്ടവരാണ് ഗൗരാമികള്.എന്നാല് കൈത്തീറ്റ നല്കിയാല് ഈ രുചി നഷ്ടമാകുമെന്ന് തായ്ലന്ഡിലെ അക്വാകള്ച്ചര് പ്രോഗ്രാമുകള്ക്ക് നേതൃത്വം നല്കുന്ന ഡോ. പീറ്റര് എഡ്വേര്ഡ്സ് പറയുന്നു. ശാസ്ത്രീയമായി സ്ഥിരീകരിച്ച വിവരവുമാണിത്.
പുതുതരംഗമായി ഫാര്മേഴ്സ് ക്ലബുകള്
തീര്ത്തും ഗ്രാമീണ സാഹചര്യങ്ങളില് പ്രവര്ത്തിക്കുന്ന ഒരു ബാങ്കിന് കാര്ഷിക മേഖലയില് എന്തു മാറ്റമുണ്ടാക്കുവാന് സാധിക്കും? വളരെയോന്നുമില്ല എന്നായിരിക്കും മിക്കവരുടെയും ഉത്തരം. എന്നാല് കോട്ടയം ജില്ലയിലെ മലയോര ഗ്രാമമായ നീലൂരിലേക്കു കടന്നുവരുമ്പോള് ഈ ധാരണ തെറ്റാണെന്നു ബോധ്യമാകും. ഇടുക്കി ജില്ലയോട് അതിരിടുന്ന മീനച്ചില് താലൂക്കിലെ കടനാട് പഞ്ചായത്തില് പ്രവര്ത്തിച്ചുവരുന്ന നീലൂര് സഹകരണ ബാങ്ക് ആരംഭിച്ചിരിക്കുന്ന ഫാര്മേഴ്സ് ക്ലബ് ഗ്രാമീണ മേഖലയില് അന്യംനിന്നു പോയേക്കാവുന്ന കാര്ഷിക സംസ്കാരത്തിനു കാവലാളാവുകയാണ്.
Subscribe to:
Posts (Atom)
guppy breeding
അലങ്കാരമത്സ്യമേഖലയിലെ ഏറ്റവും പ്രചാരമുള്ള മത്സ്യമാണ് ഗപ്പികള്. കണ്ണുകള്ക്ക് ഇമ്പമേകുന്ന വര്ണചാരുതയുള്ള നിരവധി ഇനം ഗപ്പികള് ഇന്ന് പ്രചാര...
-
പറുദീസയുടെ പഴം എന്നാണ് വാഴ അറിയപ്പെടുക. ലോകത്ത് പ്രധാനമായും രണ്ടു വര്ഗത്തില്പ്പെട്ട വാഴകളാണുള്ളത്. ഇതില് ഭക്ഷണാവശ്യത്തിനു ഉപയോഗിക്കുന...
-
പാവപ്പെട്ടവന്റെ പശു. ആടിന് ഇതിനു പകരമൊരു വിശേഷണം നല്കാനില്ല. ചെറിയ ശ്രദ്ധയും തീറ്റയുമുണ്ടെങ്കില് ആടുവളര്ത്തല് ആദായകരമാണ്. ഒരു വീട്ടിലേ...
-
കുഞ്ഞുങ്ങളെ പാലൂട്ടി വളര്ത്തുന്ന ജീവികളാണ് സസ്തനികള്. അമ്മയുടെ സ്നേഹം ഇത്തരത്തില് അനുഭവിച്ചറിയാന് കഴിയുന്നത് സസ്തനിവര്ഗത്ത...