തായ്‌ലൻഡിൽനിന്ന് കള്ളക്കടത്തിലൂടെ മത്സ്യങ്ങൾ കേരളത്തിലേക്ക്

പ്ര​ള​യം ത​ക​ർ​ത്തെ​റി​ഞ്ഞ കേ​ര​ള​ത്തി​ലെ അ​ല​ങ്കാ​ര മ​ത്സ്യ​വി​പ​ണി​ക്ക് അ​ടു​ത്ത പ്ര​ഹ​ര​മാ​യി കേ​ര​ള​ത്തി​ലേ​ക്ക് താ​യ്‌​ല​ൻ​ഡി​ൽ​നി​ന്ന് അ​ല​ങ്കാ​ര​മ​ത്സ്യ​ങ്ങ​ളു​ടെ ക​ള്ള​ക്ക​ട​ത്ത്.

ഏ​റെ പ്ര​ചാ​ര​മു​ള്ള ഗ​പ്പി, പ​ട​യാ​ളി മ​ത്സ്യ(​ബീ​റ്റ, ഫൈ​റ്റ​ർ)​ങ്ങ​ളാ​ണ് ക​ള്ള​ക്ക​ട​ത്താ​യി കേ​ര​ള​ത്തി​ലേ​ക്കെ​ത്തു​ന്ന​ത്. വി​ദേ​ശ​ത്തു​നി​ന്ന് മ​ത്സ്യ​ങ്ങ​ളെ ഇ​റ​ക്കു​മ​തി ചെ​യ്യു​ന്പോ​ൾ 15 ദി​വ​സ​മെ​ങ്കി​ലും ക്വാ​റ​ന്‍റൈ​ൻ ചെ​യ്ത​ശേ​ഷ​മേ വി​പ​ണി​ക​ളി​ൽ എ​ത്തി​ക്കാ​വൂ എ​ന്നാ​ണ് കേ​ന്ദ്ര​സ​ര്‌​ക്കാ​രി​ന്‍റെ ഇ​റ​ക്കു​മ​തി മാ​ന​ദ​ണ്ഡം. എ​ന്നാ​ൽ, ഇ​ത് കാ​റ്റി​ൽ​പ്പ​റ​ത്തി​യാ​ണ് ക​ള്ള​ക്ക​ട​ത്ത്.


പണമ​ട​ച്ചാ​ൽ ഒ​രു വ്യ​ക്തി​ക്ക് 300 കി​ലോ​ഗ്രാം ല​ഗേ​ജ് വി​മാ​ന​ത്തി​ൽ കൊ​ണ്ടു​പോ​കാം എ​ന്ന​തി​നാ​ൽ ഇ​ത്ത​ര​ത്തി​ലാ​ണ് മ​ത്സ്യ​ങ്ങ​ൾ ഇ​ന്ത്യ​യി​ലേ​ക്കെ​ത്തു​ന്ന​ത്. കേ​ര​ള​ത്തി​ലേ​ക്കു പ്ര​ധാ​ന​മാ​യും ചെ​ന്നൈ, ബം​ഗ​ളൂ​രു, നെ​ടു​ന്പാ​ശേ​രി, തി​രു​വ​ന​ന്ത​പു​രം വി​മാ​ന​ത്താ​വ​ള​ങ്ങ​ൾ വ​ഴി​യാ​ണ് എ​ത്തു​ന്ന​ത്.

സാ​ന്പി​ൾ എ​ന്ന​വ​ണ്ണം അ​ടു​ത്തി​ടെ വി​വി​ധ ഇ​ന​ത്തി​ലു​ള്ള ആ​ൺ​ഗ​പ്പി​ക​ൾ 10,000 എ​ണ്ണം കേ​ര​ള​ത്തി​ലെ വി​വി​ധ മൊ​ത്ത​വ്യാ​പാ​രി​ക​ളു​ടെ അ​ടു​ത്തെ​ത്തി​യി​ട്ടു​ണ്ട്. കേ​ര​ള​ത്തി​ൽ നി​യ​മ​പ്ര​കാ​രം മ​ത്സ്യ​ങ്ങ​ളെ ഇ​റ​ക്കു​മ​തി ചെ​യ്ത് പ്ര​ജ​ന​നം ന​ട​ത്തി വി​ൽ​ക്കു​ന്ന ക​ർ​ഷ​ക​ർ​ക്ക് വ​ലി​യ വെ​ല്ലു​വി​ളി സൃ​ഷ്ടി​ച്ചാ​ണ് ക​ള്ള​ക്ക​ട​ത്താ​യി മ​ത്സ്യ​ങ്ങ​ൾ എ​ത്തു​ന്ന​ത്.

ക​ർ​ഷ​ക​രു​ടെ വി​ല​യേ​ക്കാ​ളും കു​റ​ഞ്ഞ വി​ല​യ്ക്ക് ഇ​വി​ടെ എ​ത്തു​ന്ന​തി​നാ​ൽ നി​ര​വ​ധി ക​ർ​ഷ​ക​രു​ടെ മ​ത്സ്യ​ങ്ങ​ൾ വി​റ്റ​ഴി​ക്കാ​നാ​വാ​തെ കെ​ട്ടി​ക്കി​ട​ക്കു​ക​യാ​ണ്.
ഈ ​മാ​സം വ​ലി​യ അ​ള​വി​ൽ ആ​ൺ, പെ​ൺ ഗ​പ്പി​ക​ൾ കേ​ര​ള​ത്തി​ൽ എ​ത്തു​മെ​ന്നാ​ണ് ല​ഭി​ക്കു​ന്ന വി​വ​രം.

പെ​ൺ​മ​ത്സ്യ​ങ്ങ​ൾ എ​ത്തു​ന്ന​തോ​ടെ കേ​ര​ള​ത്തി​ലെ അ​ല​ങ്കാ​ര​മത്സ്യ​ക്ക​ർ​ഷ​ക​ർ പൂ​ർ​ണ​മാ​യും ത​ക​ർ​ച്ച​യി​ലേ​ക്കെ​ത്തും. വ്യാ​പ​ക​മാ​യ രീ​തി​യി​ൽ പ​ട​യാ​ളി മ​ത്സ്യ​ങ്ങ​ൾ എ​ത്തി​യ​തി​നാ​ൽ പ​ല ക​ർ​ഷ​ക​രു​ടെ​യും മ​ത്സ്യ​ങ്ങ​ൾ വി​റ്റ​ഴി​ക്കാ​നാ​യി​ട്ടി​ല്ല.

ഈ ​ഇ​നം മ​ത്സ്യ​ങ്ങ​ളെ ഒ​രു​മി​ച്ച് പാ​ർ​പ്പി​ക്കാ​ൻ ക​ഴി​യി​ല്ലാ​ത്ത​തി​നാ​ൽ ക​ർ​ഷ​ക​ർ​ക്ക് മ​ത്സ്യ​ങ്ങ​ളെ സ്റ്റോ​ക്ക് ചെ​യ്യാ​നും ക​ഴി​യാ​ത്ത അ​വ​സ്ഥ​യാ​ണ്. പ്ര​ശ്നം രൂ​ക്ഷ​മാ​യാ​ൽ ഇ​വ​യെ ന​ശി​പ്പി​ച്ചു​ക​ള​യേ​ണ്ടി​വ​രു​മെ​ന്ന് പ​ട​യാ​ളി മ​ത്സ്യ​ങ്ങ​ളു​ടെ കേ​ര​ള​ത്തി​ലെ​ത​ന്നെ ഒ​രു പ്ര​മു​ഖ ബ്രീ​ഡ​ർ ദീ​പി​ക​യോ​ടു പ​റ​ഞ്ഞു.

പ്ര​ശ്നം ഗു​രു​ത​രം

ര​ണ്ട് കാ​രി​യ​ർ​മാരാണ് കള്ളക്കടത്ത് നടത്തുന്നത്. ഒ​രു കാ​രി​യ​റി​ലൂ​ടെ 24,000 മ​ത്സ്യ​ങ്ങ​ൾ എ​ന്ന തോ​തി​ൽ 48,000 മ​ത്സ്യ​ങ്ങ​ളാ​ണ് ഏ​താ​നും ദി​വ​സ​ങ്ങ​ൾ​ക്കു മു​ന്പ് കേ​ര​ള​ത്തി​ൽ വി​മാ​ന​മി​റ​ങ്ങി​യ​ത്.

പ​ട​യാ​ളി മ​ത്സ്യ​ങ്ങ​ൾ 24 രൂ​പ മു​ത​ലും ഗ​പ്പി​ക​ൾ 15 രൂ​പ മു​ത​ലും ഇ​ത്ത​ര​ത്തി​ൽ കേ​ര​ള​ത്തി​ലെ മൊ​ത്ത​വ്യാ​പാ​രി​ക​ളു​ടെ അ​ടു​ത്തെ​ത്തു​ന്നു. റീ​ട്ടെ​യ്ൽ വി​പ​ണി​യി​ൽ ഫൈ​റ്റ​ർ 150 രൂ​പ മു​ത​ലും ഗ​പ്പി 50 രൂ​പ മു​ത​ലു​മാ​ണ് വി​ൽ​ക്ക​പ്പെ​ടു​ന്ന​ത്.

താ​യ്‌​ല​ൻ​ഡി​ൽ ഉ​ത്പാ​ദ​ന​ച്ചെ​ല​വ് വ​ള​രെ കു​റ​വാ​യ​തി​നാ​ലാ​ണ് ഇ​ത്ത​ര​ത്തി​ൽ മ​ത്സ്യ​ങ്ങ​ൾ കു​റ​ഞ്ഞ വി​ല​യ്ക്ക് ഇ​വി​ടെ എ​ത്തി​ക്കാ​ൻ ക​ഴി​യു​ന്ന​ത്. കേ​ര​ള​ത്തി​ൽ ഉ​ത്പാ​ദ​ന​ച്ചെ​ല​വ് കൂ​ടു​ത​ലാ​യ​തി​നാ​ൽ കു​റ​ഞ്ഞ വി​ല​യ്ക്ക് വി​ൽ​ക്കാ​ൻ ക​ഴി​യി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. വ​ള​രെ മു​ത​ൽ​മു​ട​ക്കി ശാ​സ്ത്രീ​യ​മാ​യി മ​ത്സ്യ​പ​രി​പാ​ല​നം ന​ട​ത്തു​ന്ന​തി​നാ​ൽ വി​ലയി​ടി​വ് താ​ങ്ങാ​വു​ന്ന​തി​ലും അ​പ്പു​റ​മാ​ണ്.

സ്ക്രീ​ൻ ചെ​യ്താ​ൽ കി​ട്ടി​ല്ല

പ്ലാ​സ്റ്റി​ക് ബാ​ഗി​ൽ വാ​യു നി​റ​ച്ച് ബോ​ക്സു​ക​ളി​ലാ​ക്കി​യാ​ണ് മ​ത്സ്യ​ങ്ങ​ൾ വ​രു​ന്ന​ത്. ഇ​വ വിമാനത്താവളങ്ങളിലെ സു​ര​ക്ഷാ​പ​രി​ശോ​ധ​നാ സ്കാ​നിം​ഗി​ൽ പെ​ടി​ല്ല.

വി​ദേ​ശ​ഗ​പ്പി​ക​ൾ​ക്ക് പ്രി​യം

ആ​ദ്യ​കാ​ല​ത്ത് കേ​വ​ലം കൊ​തു​കു​തീ​നി മ​ത്സ്യ​ങ്ങ​ൾ എ​ന്ന പേ​രി​ൽ മാ​റ്റി​നി​ർ​ത്ത​പ്പെ​ട്ടി​രു​ന്നെ​ങ്കി​ലും ഗ​പ്പി ഇ​ന്ന് കീ​ശ​നി​റ​യെ പ​ണം ന​ല്കു​ന്ന മ​ത്സ്യ​മാ​ണ്. 10 രൂ​പ മു​ത​ൽ 3000 രൂ​പ വ​രെ ജോ​ടി​ക്കു വി​ല​യു​ണ്ട്. കൂ​ടി​യ വി​ല​യു​ള്ള​വ ഇ​റ​ക്കു​മ​തി ചെ​യ്ത​വ​യും കാ​ഴ്ച​യി​ൽ അ​തി​ഭം​ഗി​യു​ള്ള​വ​യു​മാ​ണ്.

അ​ധി​കൃ​ത​രു​ടെ ഭാ​ഗ​ത്തു​നി​ന്ന് ന​ട​പ​ടി വേ​ണം

അ​ന​ധി​കൃ​ത​മാ​യി മ​ത്സ്യ​ങ്ങ​ൾ എ​ത്തു​ന്ന​തി​നെ​തി​രേ ക​ർ​ഷ​ക​ർ പ​രാ​തി ന​ല്കാ​ൻ ഒ​രു​ങ്ങു​ക​യാ​ണ്. അ​ധി​കൃ​ത​രു​ടെ ഭാ​ഗ​ത്തു​നി​ന്ന് കാ​ര്യ​മാ​യ ന​ട​പ​ടി​യു​ണ്ടാ​യി​ല്ലെ​ങ്കി​ൽ കേ​ര​ള​ത്തി​ലെ അ​ല​ങ്കാ​ര​മ​ത്സ്യ​ക്ക​ർ​ഷ​ക​ർ ക​ട​ക്കെ​ണി​യി​ലാ​കും. അ​തു​കൊ​ണ്ടു​ത​ന്നെ അ​ന്വേ​ഷ​ണ​മു​ണ്ടാ​ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.

മത്സ്യങ്ങൾ രോഗവാഹകർ

വി​ദേ​ശ​രാ​ജ്യ​ങ്ങ​ളി​ൽ​നി​ന്ന് മ​ത്സ്യ​ങ്ങ​ളെ ഇ​ന്ത്യ​യി​ലെ​ത്തി​ക്കു​ന്പോ​ൾ കു​റ​ഞ്ഞ​ത് 15 ദി​വ​സ​മെ​ങ്കി​ലും ക്വാ​റ​ന്‍റൈ​ൻ ചെ​യ്യ​ണ​മെ​ന്നാ​ണ് ച​ട്ടം. മും​ബൈ, ചെ​ന്നൈ, കോ​ൽ​ക്ക​ത്ത വി​മാ​ന​ത്താ​വ​ള​ങ്ങ​ളി​ൽ മാ​ത്ര​മേ ഇ​തി​നു​ള്ള സൗ​ക​ര്യ​ങ്ങ​ളു​ള്ളൂ. ഇ​ത്ത​ര​ത്തി​ൽ ക്വാ​റ​ന്‍റൈ​ൻ ചെ​യ്ത് സ​ർ​ട്ടി​ഫി​ക്ക​റ്റ് ല​ഭി​ച്ചാ​ൽ മാ​ത്ര​മേ അ​ത് വി​പ​ണി​യി​ൽ എ​ത്തി​ക്കാ​ൻ ക‍ഴി​യൂ.
ക്വാ​റ​ന്‍റൈ​ൻ ചെ​യ്യാ​തെ എ​ത്തു​ന്ന​തി​നാ​ൽ എ​ന്തെ​ങ്കി​ലും രോ​ഗ​ങ്ങ​ളോ പ​ക​ർ​ച്ച​വ്യാ​ധി​ക​ളോ ക​ണ്ടു​പി​ടി​ക്ക​പ്പെ​ടു​ന്നി​ല്ല. അ​തു​കൊ​ണ്ടു​ത​ന്നെ മ​റ്റു മ​ത്സ്യ​ങ്ങ​ളി​ലേ​ക്ക് രോ​ഗ​ങ്ങ​ൾ പ​ക​രും. അ​തു​പി​ന്നെ ഗു​രു​ത​ര പ്ര​ശ്ന​ങ്ങ​ൾ സൃ​ഷ്ടി​ക്കും.

ഐ​ബി​ൻ കാ​ണ്ടാ​വ​നം