തന്റെ സാമ്രാജ്യത്തിലേക്ക് ഒരാള്‍ കയറി എന്ന തോന്നല്‍ ഉണ്ടായാല്‍ മാത്രമേ നായ കുരയ്ക്കൂ. അതാണ് കുരയ്ക്കുന്നതിന്റെ അടിസ്ഥാന തത്വം. നായയുടെ സ്വഭാവത്തില്‍ ഉള്‍പ്പെട്ടിരിക്കുന്ന രീതി ആയതിനാല്‍ അത് മാറ്റിയെടുക്കാനും അല്പം ബുദ്ധിമുട്ടാണ്. അവയ്ക്ക് ആത്മവിശ്വാസം നല്കി കുരയ്ക്കാത്ത നായ്ക്കളെ കുരപ്പിക്കാന്‍ കഴിയും.
ഇതിനായി രണ്ട് പരിശീലമുറകള്‍ ഇത്തവണ പരിചയപ്പെടാം.
1. ചാക്ക്, തുണി എന്നിവയോ ബൈറ്റിംഗ് ഉപകരണങ്ങളോ ഉപയോഗിച്ച് നായയെ ആകര്‍ഷിക്കാം. നമ്മുടെ കൈയിലുള്ള വസ്തു വാങ്ങാന്‍ നായ പരമാവധി ശ്രമിക്കും. (ആദ്യ ദിവസങ്ങളില്‍ നായ അടുക്കണമെന്നില്ല). ഇത് ഒരു മത്സര മുറയാണ്. ആര്‍ക്ക് കിട്ടും എന്ന രീതിയില്‍ നായയ്ക്കു പ്രോത്സാഹനം നല്കണം. ഒരുപാട് പരിശ്രമത്തിനുശേഷം നമ്മുടെ കൈയിലെ വസ്തു നായ പിടിച്ചുവാങ്ങിയ രീതിയ വരണം. മത്സരത്തില്‍ വിജയിച്ച നായയെ അഭിനന്ദിക്കാന്‍ മറക്കരുത്. നമ്മെക്കാളും വലിയ ആളായി എന്ന തോന്നല്‍ അവയ്ക്കുണ്ടാകും. ഇത് പതിയെ കുരയ്ക്കാനുള്ള പ്രവണതയുണ്ടാകാന്‍ സഹായിക്കും.2. കൂട്ടില്‍ കിടക്കുന്ന നായയെ നമ്മള്‍ പാത്തും പതുങ്ങിയും സമീപിക്കുക (അല്പം അകലെ നില്‍ക്കുന്നതാണ് നല്ലത്). നായയെ കണ്ട് നമുക്ക് ഭയം ഉണ്ടായെന്ന് അവയ്ക്കു തോന്നണം. നമ്മെ നായ ശ്രദ്ധിച്ചെങ്കില്‍ പതുക്കെ ഓടി രക്ഷപ്പെടുകയും വേണം. ആദ്യമൊക്കെ കുരച്ചില്ലെങ്കിലും സാവധാനത്തില്‍ അവയുടെ രീതി മാറ്റിയെടുക്കാന്‍ സാധിക്കും. ഈ രീതി പരിശീലിപ്പിക്കുമ്പോള്‍ പിന്നീട് അന്ന് അവയുടെ അടുത്തേക്ക് പോകാത്തതാണ് നല്ലത്. ഇതും ആത്മവിശ്വാസം വര്‍ധിപ്പിക്കും. വീട്ടിലുള്ള എല്ലാവരും മാറി മാറി പരിശീലിപ്പിക്കുന്നത് നല്ലതാണ്.
പരിശീലനം കാണാന്‍ ചുവടെയുള്ള ലിങ്കില്‍ ക്ലിക്ക് ചെയ്യുക. നിങ്ങളുടെ അഭിപ്രായങ്ങളും നിര്‍ദേശങ്ങളും ഞങ്ങള്‍ക്കുള്ള പ്രോത്സാഹനമാണ്. സംശയങ്ങള്‍ ചോദിക്കാന്‍ മടിക്കരുത്. ഈ ബ്ലോഗിലൂടെയോ യുട്യൂബ് ചാനലിലൂടെയോ തന്നിരിക്കുന്ന മൊബൈല്‍ നമ്പറില്‍ വാട്‌സ്ആപ്പിലൂടെയോ സാജന്‍ സജി സിറിയക് ( 9961310970) സംശയങ്ങള്‍ ചോദിക്കാം.
വീണ്ടു പുതിയ അറിവുകളുമായി സന്ധിക്കുംവരെ.... നന്ദി....
No comments:
Post a Comment